TVIBITA MUSIHKKA

Tvibit Musihkka lea musihkkaguovddáš buohkaide, beroškeahttá agis, dásis dahje šáŋŋeris, doppe lea stuora profešunealla sisabáddenstudio, smávva studiot, gealboguovddáš ja kontuvrrat. Tvibit Musihkka lea buohkaid váste, mii fállat viidát resurssaid, maiddai lanjaid, reaidduid ja máhtu.

GEAT LEAT MII JA MAID MII BARGAT?

HÁRJEHALLAN

Juohke árgabeaivvi leat olámuttos11 hirbmat buori hárjehallanlanja main leat dievva reaiddut. Ovdaprošeavttaide ja hárjehallama váste lea maiddai vejolaš láigohit lanja mas lea mielde PA-vuogádat. Eambbo dieđuid (dárogillii) ja diŋgojumiid geahča https://tvibit.net/oving

KYSTEN STUDIO

Ođđaáigasaš profešunealla sisabáddenstudio. Kysten Studio doaibma oktavuođasadjin báikkálaš ja riikkaidgaskasaš luođobargiide, kvalifiserejuvvon teknihkariidda ja sisabáddenartisttaide. Eambbo dieđuid (dárogillii) gávnnat http://www.kystenstudio.no/

BUVTTADANLANJAT

Mis leat 4 buvttadan- / solo-lanja main leat musihkka ja filmmaid sisabádden- ja buvttadanreaiddut. Dasa lassin sáhttet profešunealla buvttadeaddjit guhkit áigái láigohit 7 buvttadanlanja. Tvibit fállá nuvttá oahpistankurssa buohkaide geain lea beroštupmi oahppat eambbo Logic X birra ja movt geavahit galgá buvttadanlanjaid. Dat lea nuvttá olbmuide geat leat vuollel 31 jagi.

Eambbo dieđuid (dárogillii) ja diŋgokumiid gávnnat https://tvibit.net/oving

MUSIHKKAFABRIHKKA

Mii fállat musihkkakurssa buohkaide geat háliidit oahppat čuojahit ovtta dahje eanet čuojanasaid. Kurssas oahpat čuojahit čuojanasaiguin nugo gitárain, bássain, keyboardain, rumppuiguin, oaččut bagadallama lávlun- dahje čuojahanjoavkkuid váste, ja dat lea vejolaš dan rájes go leat deavdán 12 jagi. Jus don lea DJ, vuollel 31 jagi, de sáhtát diŋgot DJ lanja mas leat nuvttá 2x CDJ-2000NXS2 ja 1 x DJM-900Nexus. Tvibit fállá jeavddalaččat DJ workshoppaid. Doppe oahpat eambbo movt šattat DJ:iin ja oaččut oahpisteami reaidduide. Heive sihke easkaálgiide ja sidjiide geat juo máhttet.

Dáppe gávnnat eambbo dieđuid (dárogillii) Musihkkafabrihkaid birra: ttps://tvibit.net/musikkfabrikkene

TVIBIT BÁIKI:

Min livelávdi mas ii leat ahkemearri lea hirbmat buorre čuojahanbáiki gosa čáhket 150 olbmo, heive hui bures čájálmasaide - juogo konsearttaide, teáhterii, dánusmii dahje eará čájálmasaide. Mii hásttuhit nuorra artisttaid čuojahit dáppe, muhto lea maiddai vejolaš diŋgot báikki profešunealla geavaheapmái.

Dáppe gávnnat eambbo dieđuid báikki birra (dárogillii), https://tvibit.net/scene

KOFOR/ RYK - Artist & Music Business Development Center in Northern Norway

Fitnodatfierpmádat ja resurssaguovddáš mii veahkeha regionála fágaolbmuid buot beliiguin musihkkasuorggis: artistaovddidemiin, mearkačanastumiin ja ovttasbargguin, jođihemiin, ovddidemiin, diŋgojumiin, ruhtademiin dahje doaluid organiseremiin. KOFOR ja RYK fállá maiddai oktavuođa & dieđuid https://kreativenord.no/ báikki birra - olbmuide fierpmádatbáiki, mii lea erenoamážit ráhkaduvvon nu ahte čatná hutkkálaš davviguovllu industrijja oktii.

Dáppe gávnnat eambbo dieđuid Kofor/RYK birra (dárogillii): http://www.ryk.no/